Kommunikasie

Kommunikasie is de oetwisseling va gedachte, geveul, informatie (via zintuge: visueil, auditief, tactiel, reuk, sjmaak) en ideeë. Ongerwerpe mit betrikking tot kommunikasie:
- Sociaal kommunikasie
- Nuuiseuverdrach
- Persoenlike kommunikasie (sjpraak, taal, lichaamstaal, euverdrach, sjpegeleffek enz.)
- Massakommunikasie
- Telekommunikasie
- Telefonie
- Telegrafie
- Telex
- Fax
- Internet
- Kommunikasie via de media
- Televisie
- Radio
- Krant
- Periodiek
- Weikblaad/moandblaad
- Vakblaad
- Reclaam
- Correspondentie
- Post
- E-mail ja:通信 nb:Kommunikasjon simple:Communication th:การสื่อสาร

Taal

't Woord taol (taal) heet mier es ein betekenis. In d'n ierste plaots geit 't um 'n manier vaan communicatie in 't algemein en vaan minselike communicatie mèt e systeem vaan geordende klang in 't biezoonder. Bij alle minse is 't vermoge taol te liere aongebaore, oetgezoonderd bij de ergste zwakzinnege. Inkel hoeg ontwikkelde walvèssoorte höbbe ouch taol, boe-oonder d'n tummeleer en d'n orka. In de twiede plaots is ein taol e systeem boebinne 't minselik (of "dolfienlik", zuug bove) vermoge tot taolvörming vörmgegeve en nao zieker regele gesjik weurt. De versjèlle tösse twei zölke systeme make, tot veer vaan versjeie taole spreke. Evels heet edere mins zien eige manier vaan spreke. Aofzoonderlike minselike spraak neump me 'n idiolek. E dialek is 't taolcontinuüm vaan mier dan ein spreker, die hun idiolekte zoe diech bijein ligke tot me kint zegke tot ze oongeveer 'tzelfde praote. 'n Aontal dialekte same ligke binne de band vaan ein taol. Väöl taole höbbe ei normatief dialek boe-in alle sjriftelike communicatie en de meiste officieel mondeling conversatie plaotsveend; me sprèk in zoe geval vaan Standerdtaol In dees terminologie zit ei groet probleem: de grens tösse dialek en taol. Vreuger waor 't gebroekelik um, wienie örges e standerdtaol bestoont, alle taolvariëteite vaan dat gebeed, es ze neet hiel erg aofweke, es dialekte vaan die ein taol te beneume. Zoe woort 't dialek vaan Zittert Nederlands geneump, en 't dialek vaan Tudder Duits. Allewijl is 't evels gewoener um taole mie nao taolköndige eigesjappe in te deile. Zoe is de lèste decennia de vraog oontstoon of 't Limburgs neet es aparte taol gezeen mós weure. Oeteindelik is de taol door de Nederlandse euverheid in 1997 erkind. In Europa weure e kleine tachteg taole gesproke, sins me de definitie vaan taol verwijd heet. In de ganse wereld weure wel 3000 tot 6000 taole gesproke, allewel tot väöl vaan die taole eigelik mie dialekte vaanein zien. De indeiling vaan [http://www.ethnologue.com ethnologue.com] oondersjeit beveurbeeld in Nederland "taole" wie Zieuws, Noordoestveluws, Achterhooks, Veenkoloniaals etc. 't Is te verwachte tot temeenste de helf vaan alle taole binne viefteg jaor oetgestoorve zal zien, de meist pessimistische schaatinge goon zelfs oet vaan negeteg procent. Klik hei veur 'n provisorische lies mèt taole. ja:言語 ko:언어 ms:Bahasa simple:Language tokipona:toki zh-cn:语言 zh-tw:語言

Internet

't Internet is 't publiek toegankelike wèltwieë systeim van mit elkaar verbonge kompjoeternetwerke die data versjture mit behulp van packet switching en gebroek makend van e gesjtandaardizeerd Internet Protocol (IP) en väöl angere protocolle. 't Is opgeboewd oet doezende kleinere kommersjele, academische en overheidsnetwerke. 't Is de drager van versjillende informatie en services, zoas e-mail, online sjette en mit elkaar gelinkte webpazjenaas en anger documente van 't World Wide Web. 'n Paar van de meist gebroekde internet protocolle zunt IP, TCP, UDP, DNS, PPP, SLIP, ICMP, POP3, IMAP, SMTP, HTTP, HTTPS, SSH, Telnet, FTP, LDAP, SSL, and TLS. Kategorie:Internet fiu-vro:Internet ja:インターネット ko:인터넷 ms:Internet simple:Internet th:อินเทอร์เน็ต

Media

Media is 't mieëvoud va medium, in dees context ein hulpmiddel om e gedachtegood euver te bringe aan de massa, ein middel veur massacommunicatie (in taegesjtèlling tot de gewoene ein op ein, interpersoenlikke communicatie). Media zunt dragers van informatie.