EdE-A > Ernest ARCHDEACON
Ernest ARCHDEACON (arŝdik'n), franco. Naskiĝis en la 28-a de marto1863 en Parizo. Unue fariĝis advokato. Dum sia tuta vivo interesiĝis pri ĉiuspecaj sciencaj problemoj, eltrovis plej diversajn perfektigojn en fotografarto, kartografio, ktp. Li staras inter la unuaj apostoloj kaj praktikantoj de la interkomunikigaj sportoj: sfera balono (1885), aŭtomobila veturado, aviado. Dank' al lia kuraĝigo kaj malavareco, Serpollet, kiu estis eltrovinta la multotubetan vaporkaldronegon, povis konstrui la unuan praktikan vaporveturilon, kaj ambaŭ vojiris de Parizo al Liono (500 Kilometroj) en dekunu tagoj! Tio estis la unua vojaĝo en aŭtomobilo, naskiĝo de nova tempo. En 1896 Archdeacon kunfondis la Automobile-Club, kiu estis energie antaŭenpuŝonta la uzadon de aŭtomobilo. Archdeacon serĉis alian progreson diskutatan, li konstruis diversajn aparatojn por aerveturado, kaj, jam en 1904 aldonacis duone premion da 50 000 Frankoj por la unua eksperimentisto traflugonta unu kilometron ronde; tiun premion gajnis Henry FARMAN en la 13-a de januaro1908: naskiĝo de nova tempo. Archdeacon serĉis alian progreson diskutatan por helpi al ĝia triumfo, kaj Esperantiĝis en 1908. Li verkis sennombrajn artikolojn en multaj Esperantaj kaj francaj ĵurnaloj kaj revuoj. Fariĝis prez. de la Pariza Grupo, poste de SFPE (de 1925). Malavare fondis kun Georges WARNIER la Domon de Esperanto, kiu celas helpi al la propagando per ĉiuspecaj rimedoj, precipe per monoferoj. Kreis multajn premiojn por kuraĝigi la lernantojn ktp. Klopodis por unuigi ĉiujn aktivajn Esperantistojn. Ĉiama propagandisto per paroladoj, artikoloj, personaj klopodoj, li altiris aŭ helpis altiri al Esperanto multajn valorajn aliĝantojn el altaj medioj. Verkis prop. libron, 1910. LK, 1932 Louis BASTIEN.
Transporto > Aviado
----
Aviado (kiel agado) aŭ aviadiko (kiel scienco, aŭ fako) inkludas kaj flugadon per flug-aparatoj kaj ĉiujn rilatajn aktivadojn.
Hodiaŭ, kiam plimulto de flug-aparatoj estas pli pezaj ol aero (=avioj), temas pri flugado de aeroplanoj kaj de helikopteroj (angle oni nomas tiun ĉi fakon Aviation). En la internacia lingvo oni uzas la teminon Aviado, malgraŭ pli preciza termino (en pli larĝa senco kiel scienco kaj teĥnologio) devus esti Aviadiko.
Komemce de flugado fare de homoj, kiam post la unua ekflugo de varmaera balono de fratoj Montgolfieroj en Francio, estis konataj nur flug-aparatoj malpli pezaj ol aero (=aerostatoj), t.e. balonoj kaj aerŝipoj, oni uzis por la homa flugado la terminon Aeronaŭtiko. Nuntempe, kiam kadre de la Ŝikaga Interkonsento pri la Internacia Civila Aviada Transportado kaj post fondiĝo de la interŝtata organizo ICAO oni uzas nun la terminojn jene:
- en:Aviation - eo:Aviado: por flugado de flug-aparatoj pli pezaj ol aero (avioj)
- en:Aeronautics - eo:Aeronaŭtiko: por ĉiuj flug-aparatoj, kiuj moviĝas en la tera atmosfero,
- ĉu per la aerostataj fortoj - balonoj, aerŝipoj,
- ĉu per la aerodinamikaj fortoj - aeroplanoj, helikopteroj, paraŝutoj, ultramalpezaj aeroplanoj
La pli ĝenerala termino aeronaŭtiko tuŝas ankaŭ la fakon en:Aerospace = aerokosmonaŭtiko, kiu inkludas "aeronaŭtikon kaj kosmonaŭtikon", do ekzeple kosmopramon (aŭ raketoplano), kiu parte flugas kiel aeroplano en la tera atmosfero kaj parte kiel kosmoŝipo en la kosma spaco.
EdE-A > Aviado
Aviado. Henry FARMAN, la mondfama aviadisto, Paul PAINLEVÉ, la ĵus mortinta franca politikisto, jam antaŭ longe estis amikoj de Ernest ARCHDEACON, pioniro de aerflugado, unu el la gvidantoj de la franca Esperanto-movado. Sed preskaŭ ĉiuj aviadistoj spertas la necesecon de komuna helplingvo. Kiel H. Farman diris, per aeroplano oni atingas dum kelkaj horoj aliajn landojn, sed kaŭzas multajn malagrablojn kaj tempoperdon la fakto, ke la aviadisto ne povas komprenigi sin kun la loĝantaro, kvankam ties servon oni ofte bezonus. La sekvaj detaloj signas la iniciatojn sur tiu ĉi grava tereno. En 1909 en Internacia Aviadista Ekspozicio en Frankfurt estis aranĝita speciala Esperanto informejo. Sam-jare la gazeto "L' Aéro" en Parizo presis lecionojn de Esperanto kaj en 1911 ĝi ĉiusemajne enpresis artikolojn en Esperanto; la Esperanto-parton redaktis Rienzi. En 1911 Gaston GUILLAUME, prezidanto de Esperanto Sporta Unio, lernis aviadarton en la lernejo de Pauthan, por propagandi Esperanton inter aviadistoj. En Vladivostok oni enkondukis Esperanton en Societo de amatoroj por korespondado eksterlanda. La 1913 la "Sachsonia", aerŝipo de Ferdinand von ZEPPELIN plenumis aerflugojn kun Esperanto-flago. En septembro de 1925ISAE prezentis al la III-a Internacia Kongreso de Aera Navigado en Bruselo, deziresprimon, subskribitan de la Aero-Kluboj de Francio kaj Hispanio. "La kongreso, konsiderinte la gravajn servojn, kiujn farus al la aeronaŭtiko la uzado de la helpa lingvo Esperanto en la internaciaj rilatoj, decidis starigi Internacian Komisionon komisiitan por defendi kaj proponi mezurojn ebligantajn la enkondukon kaj disvolvon de la uzado de Esperanto, kiel teknika lingvo de la aera navigado, kaj petis s-rojn Leonardo TORRES QUEVEDO, Paul RENARD, Emilio HERRERA, Henry KAPFERER, E. Archdeacon kaj M. Rollet de l'Isle starigi ĝin, aligante kompetentulojn, kiujn ili juĝos utilaj." En 1927 la gazeto "Les Ailes" presis regule informojn pri Esperanto. Samjare profesoro Théophile CART gvidis Esperanto-kurson por anoj de Internacia Ligo de Aviadistoj en Parizo, kies prezidanto Clitford B. HARMON esprimis favoron al Esperanto en La Movado. En turista konkurso por aeroplanoj, starigita en 1929 de "Aéro Club de France" kaj akceptita de la federacioj de aera turismo de la ĉefaj eŭropaj ŝtatoj, Esperanto estis akceptita kune kun la germana kaj itala lingvoj. En 1930 dum la Aŭstria Esperanto-Kongreso en Linz la aviadisto Vess WANNEK ĉirkaŭflugis la urbon per aeroplano, sur kiu estis pentrita konvena propaganda teksto. Gilbert LEDON interesiĝis pri aviado, kaj publikigis aviadan terminaron en 2002.
Kategorio:Aviadoja:航空
Transporto > Aviado > Henry FARMAN
----
Henry FARMAN (26-a de majo, 1874 - 18-a de julio, 1958) estis aviadisto.
Naskita en Parizo, Francio. Li estis la filo de korespondanto de angla ĵurnalo laboranta en Parizo. Farman lernis pentrarton ĉe École des Beaux Arts, sed rapide obsediĝis de novaj meĥanikaj inventoj kiuj rapide aperadis en la fino de la 19a jarcento. Ĉar lia familio havis sufiĉajn monajn rimedojn, li povis pluflegi siajn ŝatokupojn kiel amatora sportisto. En la jaroj 1890-aj li iĝis ĉampiona ciklisto, kaj je la jarcentŝanĝo li malkovris la motoran konkuradon.
Kiam Charles VOISIN ekproduktis vendendan motoraviadilon en 1907, Henry Farman estis inter la unuaj aĉetintoj. Li atingis la rekordon de plej longa flugo en Eŭropo, kaj en 1908 daŭrigis partoprenante la unuan flugkonkuradon en Eŭropo. Elpensinte sian propran aviadilon je la 29-a de majo, 1908, li flugigis la unuan pasaĝeron en Eŭropo. Partnere kun siaj du fratoj li ekkonstruis ege sukcesan kaj novelpensitan aviadilfabrikon. Ilia 1914-a modelo estis abunde uzata por milita observado dum la Unua Mondmilito. La aviadilkonstrua firmao de Farman Goliath estis la unua aertransporta kompanio sur longa distanco, ekante regulajn flugojn Parizo-Londono je la 8-a de februaro1919.
Li estis nomita kavaliro de la Légion d'honneur (Franca honora legio, oficala ŝtata meritularo) en 1919 kaj emeritiĝis en 1937 kiam la franca registaro ŝtatigis la aviadan industrion.
Henry Farman mortis en Parizo je la 18-a de julio1958 kaj estas entombigita en Cimetière de Passy, Parizo, Francio.
Louis BASTIEN (bastjen), franco, intendanto-generalo. Nask. 21 dec. 1869 en Obernal (apud Strasbourg). E-isto de 1902. Sin okupis multe pri la propagando en norda Francujo, kaj poste en orienta. Post pensioniĝo li rekomencis plej ageme labori. Depost kvin jaroj, li fariĝis, kiel vicprez. de SFPE, unu el la plej sindonemaj prop-istoj en F. Li multe klopodis por la nova int. organizo de la E-movado. Verkis: Naŭlingva Etimologia Leksikono, 1907. Trad. de Bossuet, Funebra Parolado de Princo de Conde, 1911. Kunmetis poŝvortareton por francoj, 1932. LK, 1909, kaj prez. de la sekcio de la Teknikaj Vortaroj. Ĉefkunlaboranto de la Enciklopedio. [Fino EdE]
Dum la UK en Stokholmo1934 li estis elektita prezidanto de UEA. La 18an de septembro de 1936 lia Estraro alvokis al la fondiĝo de nova asocio, nome Internacia Esperanto-Ligo (IEL). Tiel estiĝis Skismo, ĉar precipe svisaj membroj daŭrigis la malnovan UEA. BASTIEN estis IEL-prezidanto ĝis 1947 kaj post la kunfandiĝo de IEL kaj UEA li fariĝis Honora Prezidanto de UEA. Li mortis en 1961.
Bastien LouisBastien Louis
Revlimid
Lenalidomide (initially known as CC-5013 and marketed as Revlimid® by Celgene) is a derivative of thalidomide introduced in 2004. It was initially intended as a treatment for multiple myeloma, for which thalidomide is an accepted therapeutic modality, but has also shown efficacy in the hematological disorders known as the myelodysplastic syndr
Estée Lauder Companies Inc.
Estée Lauder Companies Inc. is one of the world's leading manufacturers and marketers of skin care, cosmetics, perfume and hair care products.
The company began in 1946, when Joseph Lauder and wife Estée Lauder began producing cosmetics in New York City,
Casablanca-Rabat expressway
The Casablanca-Rabat expressway, designated A3, was the first expressway to be built in Morocco, with construction starting in the 1970s. It was only completed in 1986 after a 7 year halt.
It was originally free of charge, but a toll station at was was erected at Bouznika in 1993 as part of a new strategy in Moroccan expressway con
Lawrence schiffman
Lawrence H. Schiffman is the Ethel and Irvin A. Edelman Professor in Hebrew and Judaic Studies at New York University (NYU). He is a scholar in the field of Dead Sea Scrolls research. His major interests are Dead Sea Scrolls; Jewish religious, political, and social history in late antiquity; the history of Jewish law and Talmudic literature. As an Orthodox Jew, Dr. Schiffman brings an Orthodox perspective to the field of Judaic studies
